کینگروز کو دوسرا ٹیسٹ ہراکر سیریز میں کم بیک کرینگے : شاہین آفریدی

لاہور(سپورٹس رپورٹر)پاکستان کرکٹ ٹیم کے فاسٹ بائولر شاہین شاہ آفریدی نے کہا ہے کہ میزبان آسٹریلوی ٹیم کو باکسنگ ڈے ٹیسٹ میچ میں شکست دیکر سیریز میں جاندار کم بیک کریں گے۔ کینگروز کیخلاف پہلے ٹیسٹ میچ میں شکست پر بہت مایوسی ہوئی ہے تاہم میزبان ٹیم کیخلاف دوسرے ٹیسٹ میں کامیابی کیلئے ٹیم نے بھرپور تیاری کی ہے جس کا فائدہ ٹیم کو میچ میں فتح کی صورت میں ملے گا۔ بلاشبہ آسٹریلوی ٹیم کو اس کی سرزمین پر شکست دینا مشکل ضرور ہے مگر ناممکن نہیں۔  وہ  دوسرے ٹیسٹ میچ میں ٹیم کی فتح میں اہم کردار ادا کریں گے۔ آسٹریلوی ٹیم کیخلاف سیریز میں واپسی کیلئے ٹیم کو تینوں شعبوں میں سو فیصد کارکردگی کا مظاہرہ کرنا ہوگا۔