چینی قونصل خانے کا پنجاب پولیس کے سپیشل پروٹیکشن یونٹ کیلئے فرینڈشپ ایوارڈ

لاہور(نامہ نگار)پنجاب پولیس نے فرائض کی شاندار ادائیگی پر ایک اور اعزاز اپنے نام کر لیا۔چینی قونصل خانے نے پنجاب پولیس کے سپیشل پروٹیکشن یونٹ کو فرینڈشپ ایوارڈ سے نوازا ہے۔ لاہور میں چینی قونصلیٹ کی جانب سے میں فرینڈشپ ایوارڈز دینے کی تقریب منعقد ہوئی۔ چینی قونصل جنرل نے ڈی آئی جی سپیشل پروٹیکشن یونٹ طیب حفیظ چیمہ کو فرینڈشپ ایوارڈ سے نوازا۔طیب حفیظ چیمہ نے کہا کہ سپیشل پروٹیکشن یونٹ چینی شہریوں سمیت تمام غیر ملکی باشندوں کی فول پروف سکیورٹی یقینی بنا رہی ہے۔ترجمان پنجاب پولیس نے کہا کہ چینی قونصل جنرل نے چینی قونصلیٹ کیساتھ بہترین تعاون یقینی بنانے والے اداروں اور افسران کو فرینڈ شپ ایوارڈ دینے کا اعلان کیا تھا اور اس سلسلے میں چینی قونصل جنرل نے سپیشل پروٹیکشن یونٹ کی خدمات کو سراہتے ہوئے ایوارڈ سے نوازا ہے۔ چینی قونصلیٹ نے رواں سال بہترین کوارڈینیشن کے فروغ پر مختلف اداروں کو ایوارڈز دئیے ہیں۔