لاہور(کلچرل رپورٹر) آرٹس کونسل الحمراء ، محکمہ اطلاعات وثقافت کے زیر اہتمام کرسمس کی تقریب کا انعقاد الحمراء ادبی بیٹھک میں ہوا۔ کیک کاٹا گیا۔ کرسمس ٹری سجایا،ملکی خوشحالی کیلئے دعا کی گئی۔ مسیحی برادری کے نیک تمناؤں کا اظہارکیا گیا۔ ایگزیکٹو ڈائریکٹر الحمراء طارق محمود چوہدری نے اس حوالے سے اپنے تاثرات میں کہا کہ یہ تہوار محبت و شفقت کے اظہار کا موقع فراہم کرتا ہے۔ مسیحی براردی کی ملک وقوم کی تعمیر و ترقی میں خدمات قابل ستائش ہیں۔ کرسمس امن،پیار،سلامتی اور بھائی چارے کا پیغام دیتا ہے۔ تما م پاکستانی ایک دوسرے کے دکھ سکھ میں شریک ہیں۔مسیحی ملازمین نے اپنے تاثرا ت میں کہا کہ الحمراء نے بے پناہ محبتیں دیں۔ انتظامیہ کے مشکور ہیں۔