گوجرانوالہ(نمائندہ خصوصی ) مسیحی برادری کرسمس کا مقدس تہوار 25دسمبر پیر کوروایتی جوش و خروش، عقیدت و احترام اور مذہبی جذبے سے منا ئے گی۔ اس سلسلے میںگرجا گھروں کو خوبصورتی کیساتھ سجایا جا رہا ہے،وہاں کرسمس ٹریز اور سانتا کلاز کے مجسموں کی تزئین و آرائش بھی شرو ع کر دی گئی ہے۔کرسمس کی آمد پر مسیحی برادری نے کیک کاٹنے اور کینڈل لائٹ سروسز بھی شروع کر دی ہیں ، کرسمس کی تقریبات کے خوشگوار ماحول میں انعقاد کیلئے سکیور ٹی کے بھی خصوصی انتظامات کئے جا رہے ہیں۔