پیپلزپارٹی نے پاکستان ائرویز کی تشکیل پر توجہ دلائو نوٹس قومی اسمبلی سیکرٹریٹ میں جمع کرادیا

اسلام آباد(این این آئی) پاکستان پیپلز پارٹی نے پاکستان ائر ویز کی تشکیل پر قومی اسمبلی میں توجہ دلاؤ نوٹس جمع کرا دیا۔ پیپلز پارٹی کے ارکان نفیسہ شاہ، عذرا افضل، نوید قمر اور اعجاز جاکھرانی کی جانب سے قومی اسمبلی سیکرٹریٹ میں جمع کرائے توجہ دلاؤ نوٹس میں کہا گیا ایک جانب حکومت قومی ایئرلائن کی بحالی کے وعدے کررہی ہے تو دوسری جانب پاکستان ایئرویز کے نام سے ایک اور کمپنی کو رجسٹر کرایا جارہا ہے حکومتی اقدامات سے قومی ایئر لائن کو مزید نقصان پہنچ رہا ہے۔ اس لئے اس اہم قومی نوعیت کے معاملے پر ایوان میں بحث کرائی جائے۔