بھکر: شہداد کوٹ میں مبینہ پولیس مقابلے‘ 5 ڈاکو مارے گئے

بھکر + شہداد کوٹ (نوائے وقت رپورٹ) پولیس مقابلوں میں 5 ڈاکو ہلاک ہو گئے۔ بھکر کے نواحی چک 27 ٹی ڈی اے میں مبینہ پولیس مقابلے میں تین ڈاکو ہلاک ہوگئے۔ پولیس کے مطابق ملزمان موٹرسائیکل چھین کر فرار ہو رہے تھے۔ پولیس پارٹی سے فائرنگ کے تبادلے میں مارے گئے۔ تینوں ڈاکو ڈکیتی‘ اغوا برائے تاوان اور پولیس اہلکاروں کی ٹارگٹ کلنگ میں مطلوب تھے۔ شہداد کوٹ میں باسط موڑ پر پولیس مقابلے میں دو ڈاکو ہلاک ہو گئے۔ ایس ایس پی عبدالحمید کھوکھر کے مطابق ڈاکو تین اہلکاروں کے قتل میں ملوث تھے۔