پی ایس ایل میچ میں وہاب ریاض اور جیسن رائے میں گرما گرمی

لاہور(نمائندہ سپورٹس+سپورٹس رپورٹر)پشاور زلمی اور کوئٹہ گلیڈی ایٹرز کے میچ میں فاسٹ بائولر وہاب ریاض اور جیسن روئے کے درمیان گرما گرمی ہوگئی، اننگز کے بعد سرفراز اور وہاب میں بھی تلخ کلامی ہوئی لیکن کوئٹہ کے مینٹور ویو رچرڈز اور زلمی کے کپتان ڈیرن سیمی نے بیچ بچاوکرادیا۔اننگز کے اختتام پر سرفراز احمد اور وہاب ریاض کے درمیان بھی اْس وقت جھگڑا ہوگیا جب وہاب ریاض نے کوئٹہ کے اوپنر جیسن رائے کو فلائنگ کس کا اشارہ کیا۔سرفراز احمد اپنے بیٹسمین کی حمایت میں وہاب کی طرف دوڑے، اس پر وہاب ریاض بھی غصے میں آگے بڑھے تاہم کوئٹہ گلیڈی ایٹرز کے مینٹور سر ویوین رچرڈز نے دونوں کھلاڑیوں کے درمیان بیچ بچاو کروادیا،انہوں نے سرفراز احمد کو روکا تو پشاور کے کپتان ڈیرن سیمی آگے بڑھ کر وہاب ریاض کو اپنے ساتھ لے گئے۔اس سے قبل بھی پی ایس ایل کے سیزن ٹو میں وہاب ریاض اور احمد شہزاد کے درمیان تلخ کلامی ہوئی تھی۔