کراچی(وقائع نگار)رینجرز اور سی ٹی ڈی نے گلستان جوہر میں اہم کاروائی کرکے ایم کیو ایم لندن کے دہشت گرد واحد حسین عرف گڈو عرف سوداگرکو گرفتارکرلیا، ایس ایس پی عارف عزیزکے مطابق ملزم واحد حسین کے قبضے سے دستی بم برآمدکرلی،گرفتار ملزم واحد حسین ایم کیو ایم لندن کے سرغنہ سلیم عرف سلیم بلوچ عرف سلیم بیلجئم کا قریبی ساتھی ہے، ملزم واحد لندن میں مقیم سلیم بیلجئم کے کہنے پر پارٹی کے دہشت گردوںکواسلحہ اور گولیاں خرید کر دیتا تھا، ملزم نے سلیم بیلجئیم کے ساتھ حوالہ ہنڈی کے ذریعے رقوم کی ترسیل کا غیر قانونی دھندہ بھی کرتا رہا،گرفتار ملزم نے انکشاف کیا کہ پارٹی کیلئے جلائو گھیرائوا اور بدنظمی کی دیگر کاروائیوں میں ملوث رہا ہے ۔