لاہور (سپورٹس رپورٹر)لاہور قلندرز کے حارث روف کے ساتھی کھلاڑی کامران غلام کو گراونڈ میں تھپڑ مارنے کے معاملے پر میچ ریفری علی نقوی نے حارث روف کو طلب کر لیا۔ذرائع کے مطابق میچ ریفری نے حارث روف کو مستقبل میں محتاط رہنے کا کہتے ہوئے کہا کہ گراونڈ میں ہنسی مذاق سے کھیل کی شہرت کو نقصان پہنچانا درست نہیں ہے۔حارث روف نے معاملے کو دوستانہ انداز قرار دیا، میچ ریفری نے حارث کو خبردار کر کے معاملہ ختم کردیا۔ ان فیلڈ امپائرز نے بھی اس حوالے سے کوئی شکایت میچ ریفری کو نہیں کی، معاملہ ایک ٹیم کے دو کھلاڑیوں کا تھا اس لئے سنگین قرار نہیں پایا۔میچ ریفری نے کرکٹر حارث روف کو کھیل کی سپرٹ کے حوالے سے بھی سمجھایا۔