کراچی (نیوز رپورٹر)  گوادر میں پاکستان میری ٹائم سیکیورٹی ایجنسی نے سمندر میں سرچ اینڈ ریسکیو آپریشن کرکے چار ماہی گیروں کی جان بچالی۔ میری ٹائم ریسکیوکوآرڈینیشن سینٹرکوماہی گیرکشتی سے مددکی کال ملی جس میں بتایا گیا کہ کشتی انجن کی خرابی کے باعث سمندر میں پھنس گئی ہے۔ اطلاع ملنے کے بعد میری ٹائم سیکیورٹی ایجنسی نے ٹیم کو سرچ اینڈ ریسکیو آپریشن کے لیے روانہ کیا۔ امدادی کشتی ضروری انتظامات، جان بچانے اور ابتدائی طبی امداد کے سامان کے ساتھ پھنسی ہوئی کشتی کی پوزیشن پر پہنچ گئی اور متاثرہ کشتی میں سوار چار ماہی گیروں کو ریسکیو کیا۔ ٹیم نے پھنسے ہوئے ماہی گیروں کو ریسکیو کرنے کے بعد انہیں ابتدائی طبی امداد اور خوراک فراہم کی جب کہ خراب کشتی کو بھی بحفاظت گوادر پہنچایا۔