کراچی (نیوز رپورٹر)   شہرقائد کے علاقے سولنگی گوٹھ میں گرفتاری کے خوف سے ملزم چھت سے کود کر ٹانگیں تڑوا بیٹھا۔ پولیس سائٹ سپرہائی وے سولنگی گوٹھ میں گھر کی چھت پر ملزم کی موجودگی کی اطلاع پر کارروائی کے لیئے پہنچی تو گرفتاری کے خوف سے ملزم چھت سے کود گیا، جس کے نتیجے میں ملزم کی دونوں ٹانگیں ٹوٹ گئیں۔ ملزم عاشق احمد طبی امداد کے لیئے عباسی شہید اسپتال منتقل کردیا گیا۔ ملزم کے قبضے سے ایک پستول، آٹھ موبائل فون برآمد کرلیئے گئے ہیں۔پولیس کے مطابق ملزم اس سے قبل بھی ڈکیتی کے مقدمات میں مطلوب رہا، چار بار جیل بھی کاٹ کر آیا تھا، پھر وارداتیں کرنے لگا۔