لاہور: پی ایس ایل 7 کے کوالیفائر میچ میں ملتان سلطانز نے لاہور قلندرز کو جیت کے لیے 164 رنز کا ہدف دے دیا۔تفصیلات کے مطابق قذافی اسٹیڈیم میں کھیلے جانے والے میچ میں ملتان سلطانز نے پہلے بیٹنگ کرتے ہوئے مقررہ اوورز میں دو وکٹوں کے نقصان پر 163 رنز بنائے اور قلندرز کو جیت کے لیے 164 رنز کا ہدف دیا۔رلی روسو نے 65 رنز کی شاندار اننگز کھیلی، کپتان محمد رضوان 53 رنز کے ساتھ نمایاں رہے۔شان مسعود کو محمد حفیظ نے دو رنز پر پویلین روانہ کیا، عامر عظمت 33 رنز بنا کر سمت پٹیل کو وکٹ دے بیٹھے۔لاہور قلندرز کی جانب سے محمد حفیظ اور سمت پٹیل نے ایک، ایک وکٹ حاصل کی۔