لاہور(سپورٹس رپورٹر)پشاور زلمی کے نوجوان بیٹر صائم ایوب نے کہا ہے کہ پاکستان ٹیم کیلئے کھیلنا ہر کسی کا خواب ہوتا ہے، میرا بھی ہے، پراسس کو فالو کررہا ہوں، جب موقع ملا تب ضرور کھیلوں گا، فی الحال میرا فوکس پی ایس ایل ہے، اس سے آگے کا نہیں سوچ رہا۔اچھی اننگز کھیل کر اعتماد ملتا ہے لیکن کوشش کروں گا کہ اگلی بار میچ وننگ اننگز کھیلوں، میرا ہدف اپنی ٹیم کیلئے میچ وننگ پلیئر بننا ہے، کوشش ہوگی کہ زیادہ سے زیادہ رنز کروں اور ٹیم کو میچز جتواؤں، اگر ٹیم کو جتوانے میں کامیاب رہا تو میرا مقصد مکمل ہوجائیگا۔ہماری ٹیم میں بابر اعظم اور سیمی جیسے لوگ موجود ہیں، بابر نوجوان کرکٹرز کو بہت سپورٹ کرتے ہیں، جب کوئی مشکل ہوتی ہے تو ان ہی سے پوچھتا ہوں کہ کیا کرنا ہے، ان سینئرز سے بہت کچھ سیکھنے کی کوشش کررہا ہوں۔سینئرز سے سیکھتا ہوں کہ میچ کی کس صورتحال میں کیا کرنا ہے، جو جو سیکھتا رہوں گا وہ ٹورنامنٹ میں اپلائی کرتا رہوں گا۔