گورنمنٹ دیال سنگھ میں پروفیسر گلزار بخاری کیساتھ ایک تنقیدی و شعری نشست 

لاہور(سپیشل رپورٹر) گورنمنٹ دیال سنگھ گریجوایٹ کالج لاہور میں معروف شاعر و پروفیسر گلزار بخاری کے ساتھ ایک تنقیدی و شعری نشست کا اہتمام کیاگیا۔جس کی صدارت پروفیسر ڈاکٹر مرغوب حسین طاہر نے کی جو اوساکا یونی ورسٹی جاپان سے تشریف لائے تھے۔ صفدرعلی کاظمی اور حسنین مظہری نے کلامِ مترنم پیش کیا۔ اس تقریب کا اہتمام کالج کی لٹریری سوسائٹی نے کیا۔ تقریب میں پروفیسر ڈاکٹر ارشد اقبال ،پروفیسرناصر بشیر، ڈاکٹر عارف کلیم، پروفیسر محمد شفیق خان نے پروفیسر گلزار بخاری کی شاعری کے موضوعات، رجحانات اور فکر پر تنقیدی جائزہ پیش کیا۔پروفیسر اظہر حسین،پروفیسر عثمان سلیم یوسف،پروفیسر حسن رشید،پروفیسر ممتاز حسین نعیم،پروفیسر چودھری غلام مصطفیٰ،پروفیسر محمد شفیق اکبر،ڈاکٹر شمائلہ حسین،پروفیسر ماریہ رانا نے شرکت کی۔