ملتان ( سپورٹس رپورٹر)پی ایس ایل سیزن  8ملتان میں میچز ختم ہونے پر آ ج تمام سڑکوں کو عام پبلک کے لئے کھول دیا جائے گا پی ایس ایل سیزن 8 کی افتتاحی تقریب سمیت پانچ میچز کا انعقاد ملتان کرکٹ اسٹیڈیم میں کیا گیا جس میں ملتان سلطانز کے لاہور قلندر ،کوئٹہ گلیڈی ایٹر ز،اسلام آ باد یونائٹیڈ ،پشاور زلمی اور کراچی کنگز کے ساتھ مقابلے ہوئے 8فروری سے ملتان میں پی ایس ایل کی تیاریاں شروع ہونے کی وجہ سے ٹیموں کی سیکورٹی کے پلان تشکیل دیا گیا جس میں ٹیموں کی آ مدورفت کے موقع پر روٹ ایک گھنٹہ قبل عام ٹریفک کے لئے بند کر دیئے جاتے تھے جبکہ 9فروری سے ٹیموں کی آ مد کے بعد نواں شہر سے ابدالی مسجد تک کا روڈ مکمل طور پر بند کر دیا گیا 14روز تک مختلف اوقات میں سڑکوں کی بندش کی وجہ سے شہریوں کو پریشانی کا سامنا رہا ملتان کرکٹ اسٹیڈیم میں ہونیوالے میچز کے دوران شائقین نے بھرپور سپورٹ کیا جس کا تذکرہ بین الاقوامی کرکڑز اپنی پریس کانفرنس میں بھی کرتے نظر آ ئے  آ ج ملتان سلطانز اور کراچی کنگز کی راولپنڈی روانگی کے بعد ابدالی روڈ بھی عام ٹریفک کے لئے کھول دیا جائے گا۔