ہم نے غربت میں کمی کے حوالے سے قابل قدر کامیابیاں حاصل کیں،اوویڈیو مائک

اسلام آباد(نا مہ نگار) پاکستان میں یورپی یونین کے تعاون کے سربراہ  اوویڈیو مائک نے کہا ہے کہ ہم نے غربت میں کمی کے حوالے سے قابل قدر کامیابیاں حاصل کی ہیں،رورل سپورٹ پروگرام نیٹ ورک (RSPN) کا یورپی یونین کے تعاون سے سندھ یونین کونسل اور کمیونٹی اکنامک سٹرینتھننگ سپورٹ (SUCCESS) پروگرام کی اختتامی تقریب۔رورل سپورٹ پروگرامز نیٹ ورک نے یورپی یونین کے تعاون سے چلنے والی سندھ یونین کونسل اور کمیونٹی اکنامک سٹرینتھننگ سپورٹ (SUCCESS) پروگرام کے  پروجیکٹ کی اختتامی تقریب کی میزبانی کی۔ یورپی یونین کے تعاون کے سربراہ برائے پاکستان اوویڈیو مائک، چیئرمین رورل سپورٹ پروگرامز نیٹ ورک شعیب سلطان خان، اقتصادی امور کی وزارت کے ڈپٹی سیکریٹری خالد خان، عمل درآمد کرنے والے شراکت داروں کے سی ای اوز اور کمیونٹی کے کارکنوں نے اس تقریب میں شرکت کی۔شاندانہ ہمایوں خان، چیف ایگزیکٹو آفیسر، رورل سپورٹ پروگرامز نیٹ ورک نے افتتاحی کلمات کہے۔ انہوں نے یوروپی یونین کی جانب سے کمیونٹی سے چلنے والے ترقیاتی پروگراموں میں فراخدلی سے فنڈنگ اور تعاون پر شکریہ ادا کیا، حکومت سندھ، ممبر رورل سپورٹ پروگرامز، کمیونٹی ممبران، خاص طور پر خواتین، کامیاب پروگرام کے سات سال کے کامیاب نفاذ پر ہے۔