پارکوں میں جاگنگ ٹریک ٹوائلٹ بلاک کی تعمیر یقینی بنائی جائے: آصف رؤف

ملتان (خبرنگار خصوصی) ڈائریکٹر جنرل پارکس اینڈ ہارٹیکلچراتھارٹی ملتان آصف رؤف خان نے کہا ہے کہ پارکوں میں جاگنگ ٹریک اور ٹوائلٹ بلاک کی تعمیر کو یقینی بنایا جائے‘پارکوں کو جدید خطوط پر استوار کیا جائے‘شہریوں کو ہر ممکن سہولیات مہیا کی جائے‘کھجور اور دیگر درختوں کی تزئین و آرائش یقینی بنایا جائے۔ان خیالات کا اظہار انہوں نے ڈوگر پارک،سرکٹ ہاؤس پارک اور قائد اعظم پارک کے دورہ کے موقع پر کیا۔اس موقع پر ڈائریکٹر انجینئرنگ عدنان بٹ اور ڈائریکٹر ہارٹیکلچر سعد قریشی بھی موجود تھے انہوں نے مزید کہا کہ تمام پارکوں میں ٹوائلٹس کو فعال کریں گے۔ڈوگر پارک کے جاگنگ ٹریک کو بہتر بنایا جائے‘ڈوگر پارک میں ٹریک پر مٹی ڈال کر مزید بہتر کیا جائے گا‘قائد اعظم پارک کے دورہ کے موقع پر انہوں نے کہا کہ تمام ترقیاتی منصوبوں کو شفاف انداز سے مکمل کیا جائے‘معیاری کام کو یقینی بنایا جائے ۔