لاہور(سپورٹس رپورٹر) اسلام آباد یونائیٹڈ کے کھلاڑی کراچی میں سیرو تفریح کیلئے نکل پڑے۔ پی ایس ایل میں مسلسل کرکٹ کھیلنے کے بعد اسلام آباد یونائیٹڈ کی انتظامیہ نے کراچی میں کھلاڑیوں کیلئے پکنک کا انعقاد کیا جس میں کرکٹرز پکنک منانے ساحل پر پہنچ گئے۔ٹیم مینجمنٹ کے مطابق اسلام آباد یونائیٹڈ کے کھلاڑی ریلیکس ہونے کراچی کے ساحل پر گئے، کچھ کھلاڑی ہوٹل میں آرام کرتے رہے جبکہ کچھ ساحل پر تفریح کیلئے آئے ہیں۔ مسلسل کرکٹ سے آرام دینے کیلئے انتظامیہ کی جانب سے پکنک کا انتظام کیا گیا۔