گھریلو پریشانیوں سے تنگ 16 سالہ نوجوان نے خودکشی کرلی

ٹنڈوالہ یار(رپورٹ راجہ جاوید خانزادہ) ٹنڈوالہ یار میں 16 سالہ نوجوان نے گلے میں پھندہ ڈال کر مبینہ خودکشی کرلی۔ تفصیلات کے مطابق ٹنڈوالہ یار خواجہ اسٹاپ پر قائم زرعی زمینوں پر کام کرنے والے 16 سالہ کسان نے گھریلو ناچاقی کے سبب مبینہ طور پر درخت میں رسہ باندھنے کے بعد مبینہ طور پر گلے میں پھندہ ڈال کر خودکشی کرلی ۔
اطلاع ملنے پر پولیس موقع پر پہنچی جہاں پولیس نے ضروری کارروائی کے بعد لاش کو تحویل میں لے کر پوسٹ مارٹم کے لئے سول اسپتال ٹنڈوالہ یار روانہ کردی پولیس مبینہ خودکشی کی تحقیقات کررہی ہے دوسری جانب ٹنڈوالہ یار کے سنجر چانگ تھانے کی پولیس نے ایک اطلاع پر سنجر چانگ تھانے کی حدود میں واقع ٹیل موری کے قریب سیم نالے سے 80 سالہ نامعلوم شخص کی لاش برآمد کی ہے پولیس نے ضروری کارروائی کے بعد پولیس نے لاش کو پوسٹ مارٹم کے لئے سول اسپتال ٹنڈوالہ یار روانہ کردی پولیس ملنے والی نامعلوم شخص کی لاش کی مزید تحقیقات کررہی ہے۔