لاڑکانہ(بیورورپورٹ) تحصیل قمبر کے گاؤں بیر شریف میں گھر کے باہر کھیلتے ہوئے تیز رفتار ٹریکٹر نے 4 سالہ بچی زارا کھوسو کو کچل کر شدید زخمی کردیا جسے لواحقین نے تشویشناک حالت میں چانڈکا ہسپتال کے شعبہ حادثات منتقل کردیا ،ڈاکٹروں نے بچی کے موت کی تصدیق کی، لواحقین کا کہنا تھا کہ ہماری بچی گھر کے باہر کھیل رہی تھی کہ اچانک تیز رفتار ٹریکٹر نے اسے کچل کر شدید زخمی کردیا، جس کے باعث وہ ہسپتال میں دم توڑگئی ہیں۔، دوسری جانب  ضروری کارروائی کے بعد متوفی بچی کی نعش لواحقین کے حوالے کردی گئی جبکہ نعش گھر پہنچنے پر لواحقین میں کہرام مچ گیا۔