کامونکی(نمائندہ خصوصی) ڈکیتی کی درجن سے زائد وارداتوں میں لاکھوں روپے نقدی ،موٹر سائیکل اور دیگر سامان لوٹ لیا گیا۔بتایا گیا ہے خان ٹاؤن کا بارہ سالہ مدثر ابلے انڈے فروخت کرکے گھر جارہا  تھا جی ٹی روڈ پر موٹر سائیکل سوار دو ڈاکو مدثر کو تشدد کا نشانہ بناتے ہوئے سات ہزارروپے چھین کر لے گئے۔محلہ حبیب پورہ کے شہزاد علی سے کھر روڈ راجباہ کے قریب تین ڈاکو تیس ہزارروپے اورموبائل فون چھین کرلے گئے۔نواحی گاؤں راجہ کا محمد عرفان کامونکی سے واپس جارہا تھا جی ٹی روڈ گھنیاں کے قریب موٹر سائیکل سوار دو ڈاکو اْس سے موبائل فون چھین کر لے گئے۔موضع اشرف آباد(سنت پورہ )کے کیری ڈبہ سوار اورنگزیب اور اْسکے دوست نثار احمد سے گاؤں کے قریب دو ڈاکو مجموعی طور پر چالیس ہزار پابچ سو روپے لوٹ کر لے گئے۔خان ٹاؤن کے ظہیر عباس سے محلہ حبیب پورہ کے قریب تین ڈاکو اٹھائیس ہزارتین سو روپے ،موبائل فون اورقیمتی کاغذات چھین کر لے گئے۔زین نامی سے میونسپل کارپوریشن آفس کے نزدیک دو ڈاکو اکیس ہزارروپے اور موبائل فون چھین کر لے گئے۔نواحی گاؤں کنگروالی کے سخاوت سے موضع اشرف آباد کے قریب دو ڈاکو پانچ ہزار روپے اورموبائل فون چھین کر لے گئے۔نواحی گاؤں چھجوکی کے سفیان سے راجہ بھلہ پولیس چوکی کے قریب دو ڈاکوؤں نے پچاسی سو روپے اورموبائل فون چھین لیا۔
گوجرانوالہ کے علی حسین سے گورنمنٹ بوائز ڈگری کالج روڈ پر دو ڈاکو ایک موٹرسائیکل اورموبائل فون چھین کر لے گئے۔محلہ اکبر ٹاؤن کے نواز سے تین ڈاکو جی ٹی روڈ بھولا پیر کے قریب پندرہ ہزارروپے اور موبائل فون چھین کر فرار ہوگئے۔محلہ بلال پارک کے بابر سے سبزی منڈی کے قریب دو ڈاکو موبائل فون چھین کر فرار ہوگئے جبکہ نواحی گاؤں سندرانہ کے دو بھائیوں عمر اور عامر سے کوٹ کھیونمل کے قریب دو ڈاکو 56ہزار روپے اور موبائل فون چھین کر لے گئیاسکے علاوہ واہلیانوالی کے شفقت سے موضع مچھرالہ کے قریب دو ڈاکو ایک لاکھ روپے اور موٹر سائیکل چھین کر لے گئے۔پولیس نے مقدمات درج کرلیے ۔