حافظ آباد(نمائندہ نوائے وقت) حافظ آباد کے نواحی گائوں نکی چٹھہ میں3نقاب پوش ڈاکو اہل خانہ کو یرغمال بناکر 60لاکھ مالیت کے طلائی زیورات ،پانچ لاکھ روپے اور دیگر سامان لوٹ کر فرارہوگئے۔ تفصیلات کے مطابق عظمت اﷲولد سلطان نجی کام کے سلسلہ میں شہر آیا ہوا تھا ۔اس دوران تین نقاب پوش ڈاکو اسکے گھر داخل ہوئے جنھوںنے اہل خانہ کو اسلحہ کے زور پر یرغمال بنا کر گھر سے 60لاکھ روپے مالیت کے 30تولے طلائی زیورات، پانچ لاکھ روپے ،دوموبائل فونز ، رائفل اور ایک پسٹل لوٹ کر فرار ہوگئے۔پولیس نے مقدمہ درج کرلیا۔ تاحال پولیس کسی ایک ملزم کو بھی سراغ نہ لگاسکی ۔