گوجرانوالہ: ٹراما سنٹر میں سرجیکل آئی سی یو اور پین کلینک کا افتتاح

گوجرانوالہ (نمائندہ خصوصی ) ڈی ایچ کیو ٹیچنگ ہسپتال کے ٹراما سنٹر میں سرجیکل آئی سی یو اور پین کلینک کا افتتاح کر دیا گیا اس اقدام سے میڈیکل اور سرجیکل ایمر جنسی کے مریضوں کی دیکھ بھال زیادہ بہتر طریقے سے ہو سکے گی اور انہیں لاہور نہیں جانا پڑے گا ،حکومتی ہدایات کی روشنی میں ایس او پیز کے مطابق یہاں مریضوں کے علاج معالجہ کیلئے ڈاکٹرز اورپیرا میڈیکل سٹاف کو بھی تعینات کر دیاگیا ہے،ان خیالات کااظہار پرنسپل گوجرانوالہ میڈیکل کالج پروفیسر ڈاکٹر اقبال حسن ڈوگر نے آئی سی یو اور پین کلینک کے باقاعدہ افتتاح کے موقع پر گفتگو کرتے ہوئے کیا،ایم ایس میڈیکل کالج ٹیچنگ ہسپتال ڈاکٹر نصیر اعوان،ایم ایس ڈی ایچ کیو ٹیچنگ ہسپتال ڈاکٹر سہیل انجم ،ڈاکٹر فائزہ،ڈاکٹر عرفان ،ڈاکٹر فضل الرحمن،ڈاکٹر ارشاد اللہ،ڈاکٹر محمد بلال،ڈاکٹر عرفان قیوم،ڈاکٹر تحسین مظہر ،ڈاکٹر سجاد محمود دھاریوال کے علاوہ دیگر ڈاکٹرزاورپیرا میڈیکل اسٹاف بھی موجود تھا۔اس موقع پر ایم ایس ڈی ایچ کیو ہسپتال ڈاکٹر سہیل انجم نے انہیں دونوں شعبوں سے متعلق بریفننگ دی