راولپنڈی(اپنے سٹاف رپورٹر سے)ڈکیتی ، چوری کی وارداتوں میں شہری لٹ گئے تھانہ وارث خان کو احتشام الہیٰ نے بتایا کہ کمیٹی چوک میں دو مسلح موٹر سائیکل سوار مجھ سے پانچ ہزار روپے اور تین موبائل فون چھین کر فرار ہوگئے تھانہ کینٹ کو رفیق نے بتایا کہ میری95 ہزار روپے کی نقدی چوری ہوگئی ،  ویلی روڈ  پر گھر کی دیوار سے چور داخل ہوا اور گھر سے دس ہزار روپے کی نقدی اور 38 لاکھ روپے مالیتی طلائی زیورات چوری کرلئے، ڈیفنس روڈ پر گھر کا لاک توڑ کر25 لاکھ روپے کی نقدی اور 32 لاکھ روپے کے طلائی زیورات چوری کرلئے گئے تھانہ نصیر آباد کو حمید اکبر نے بتایا کہ میرے گھر سے ایک لاکھ روپے ، 29 لاکھ روپے کے زیورات ، 9 لاکھ48 ہزار روپے کا دیگر سامان چوری ہوگئے،  پاسپورٹ آفس سے کیری ڈبہ، تلسہ روڈ سے کرولا کار، بلال ہسپتال کی پارکنگ سے  کرولا کار،ایف ایکس کار نمبر8606  اور 5موٹر سائیکل چوری ہو گئے۔