لاہور (نامہ نگار) پٹرول ایجنسی میں آتشزدگی سے دو افراد جھلس کر ہلاک اور دو افراد شدید زخمی ہو گئے۔ تفصیلات کے مطابق بادامی باغ کے علاقے میں پٹرول ایجنسی میں شارٹ سرکٹ کے باعث آگ بھڑک اٹھی۔ جس کی زد میں آکر دو افراد 45 سالہ قلندر اور 62 سالہ عبد العزیز جھلس کر موقع پر ہلاک جبکہ 26سالہ عزیز اور 34سالہ فریاد شدید زخمی ہوگئے ۔ علاقے میں شدید خوف وہراس پھیل گیا۔ ریسکیو اہلکاروں نے 6 فائر گاڑیوں کی مدد سے کافی جدوجہد کے بعد آگ پر قابو پایا جبکہ دونوں زخمیوں کو طبی امداد کے لئے ہسپتال منتقل کر دیا ہے۔