پنجاب یونیورسٹی، 2 گروپوں میں تصادم، 3 طلبہ زخمی، 18 گرفتار 

لاہور (نامہ نگار) پنجاب یونیورسٹی نیو کیمپس میں 2 طلبہ گروپوں میں تصادم کے نتیجے میں 3طلبہ زخمی ہو گئے پولیس کی بھاری نفری نے موقع پر پہنچ جھگڑے میں ملوث18افراد کو گرفتار کر لیا ہے۔ تفصیلات کے مطابق مسلم ٹاؤن پولیس کو15پر پنجاب یونیورسٹی میں لڑائی جھگڑے کی کال موصول ہوئی۔ جس پرمسلم ٹاؤن پولیس نے نفری کے ہمراہ کریک ڈاؤن کرتے ہوئے لڑائی جھگڑے میں ملوث 18 افراد کو گرفتار کر کے مقدمہ درج کر لیا ہے۔ ملزموں کے خلاف دہشت گردی ایکٹ، اقدام قتل، فائرنگ، کارسرکار میں مداخلت، لڑائی جھگڑے کی دفعات بھی شامل کی گئیں ہیں۔ ذرائع کے مطابق جھگڑا بلوچ پشتون طلبہ اور جمعیت کے کارکنان میں ہوا۔ جھگڑے کا آغاز شعبہ جینڈر سٹڈیز سے ہوا۔