پٹن (نیٹ نیوز) کوہستان کے ضلع کولئی پالس میں لڑکے اور لڑکی کو فائرنگ کرکے قتل کردیا گیا۔ پولیس کے مطابق قتل کا واقعہ علاقہ برپارو کے گاؤں چیرگئی میں پیش آیا۔ جہاں ایک گھر کے کمرے میں نوجوان لڑکے اور لڑکی کو دیکھ کر لڑکی کے گھر والوں نے فائرنگ کرکے دونوں کو قتل کردیا۔ واقعے کی اطلاع ملتے ہی پولیس نے لاشوں کو قبضے میں لے لیا اور لڑکی کے والد اور 2 بھائیوں کیخلاف مقدمہ درج کرکے فرار ملزموں کی تلاش شروع کردی گئی۔ پولیس کے مطابق لاشوں کو پوسٹ مارٹم کے لیے تحصیل ہیڈ کوارٹر ہسپتال پٹن منتقل کر دیا گیا۔