ایف آئی اے گوجرانوالہ، گجرات کے چھاپے، اشتہاری سمیت 5 گرفتار

گوجرانوالہ (نمائندہ خصوصی) ایف آئی اے گوجرانوالہ اور گجرات سرکل کی ٹیموں نے حوالہ ہنڈی، غیر قانونی کرنسی ایکسچینج اور انسانی سمگلنگ میں ملوث اشتہاری سمیت پانچ ملزموں آفاق علی، نعیم، ساجد مسیح، فاروق اور اشتہاری محمد احسان کو گرفتار کر لیا۔ ملزم آفاق علی غیر قانونی کرنسی ایکسچینج اور حوالہ ہنڈی میں ملوث تھا۔ ملزم سے ملکی و غیر ملکی کرنسی برآمد ہوئی جبکہ احسان، فاروق، ساجد مسیح اور نعیم انسانی سمگلنگ میں ملوث تھے۔ ملزموں نے شہریوں کو بیرون ملک ملازمت کا جھانسہ دے کر لاکھوں روپے بٹورے تھے۔