لاہور (سپورٹس رپورٹر)لاہور قلندرز کے سپنرجارج لنڈے نے کہا ہے کہ ہار جیت کھیل کا حصہ ہے، ٹائٹل کا دفاع کرنا بڑی ذمہ داری ہے۔ لگاتار تین میچوں میں شکست ہوگئی لیکن پر امید ہیں کہ کم بیک کریں گے۔ رضوان کے بعد افتخار نے بہت عمدہ اننگز کھیلی، راشد خان ورلڈ کلاس بائولر ہیں ان کی کمی تو ہوتی ہے۔ پچ کی کنڈیشن معلوم نہ ہونے سے زیادہ فرق نہیں پڑا، میں پوری کوشش کروں گا کہ ٹیم کو اگلے میچز جتوانے میں اہم کردار ادا کروں۔ پی ایس ایل کے دوران گراؤنڈ کی رونقوں میں اضافہ کرنے والے کراؤڈ کی تعریف کرتے ہوئے انہوں نے کہ ملتان کے شائقین بہت پرجوش ہیں۔