یونیورسٹی آف انجینئرنگ اینڈ ٹیکنالوجی لاہور کا سالانہ کیریئر فیئر 

لاہور (لیڈی رپورٹر) یونیورسٹی آف انجینئرنگ اینڈ ٹیکنالوجی لاہور نے سالانہ کیریئر فیئر 2024 کا انعقاد کیا۔ جس کا مقصد طلباء کو مؤثر  روزگار کے مواقع فراہم کرنے کے ساتھ ساتھ موجودہ کمپنیوں کے ساتھ اپنی شراکت داری کو مضبوط کرنا تھا۔ وائس چانسلر یو ای ٹی لاہور پروفیسر ڈاکٹر ناصر حیات نے تقریب کا افتتاح کیا اور کنوینر کیریئر فیئر پروفیسر ڈاکٹر نوید رمضان اور کوآرڈینیٹر پروفیسر ڈاکٹر آصف علی قیصر کے ہمراہ کمپنیوں/انڈسٹریز کے تمام سٹالز کا دورہ بھی کیا۔ یو ای ٹی لاہور گزشتہ 9 سالوں سے اس سالانہ کیرئیر فیئر کا انعقاد کر رہی ہے۔