نیا صوبہ بنانے کا شوشہ زرداری لیگ کا الیکشن سٹنٹ ہے: شیخ قیصرمحمود

لاہور (پ ر) مسلم لیگ (ن) اوورسیز کے مرکزی سیکرٹری جنرل شیخ قیصرمحمود نے کہا ہے کہ نیا صوبہ بنانے کاشوشہ زرداری لیگ کا الیکشن سٹنٹ ہے۔ نفاق کابیج بونے والے وفاق کی علامت نہیں ہوسکتے۔ میاں نوازشریف نے منتشراورمایوس عوام کومتحد کرنے کا بیڑا اٹھایا ہے۔ نام نہاد مفاہمت کاڈھونگ رچانے والی زرداری لیگ نے ملک میں صوبائیت، منافرت اورمنافقت کوفروغ دے رہے ہیں۔ عوام نے ان اسمبلیوں کے پاس نیا صوبہ بنانے کا مینڈیٹ نہیں دیا تھا لہٰذا ءاس حساس اورہاٹ ایشوکوآنیوالی پارلیمنٹ پر چھوڑ دیا جائے۔ زبان کی بنیاد پرپنجاب کی تقسیم سے فیڈریشن کمزور ہونے کا خطرہ ہے۔