میڈرڈ (نوائے وقت نیوز) سپین میں ایک خاتون کمزوری کے باعث پلیٹ فارم سے ٹرین کی پٹڑی پر گر گئی۔ موقع پر موجود پولیس اہلکار نے خاتون کی جان بچالی۔ سپین کے شہر میڈرڈ میں ایک خاتون ٹرین کی آمد کے انتظار میں پلیٹ فارم پر کھڑی تھی۔ ٹرین آنے سے کچھ ہی دیر قبل وہ چکرا کر پٹڑی پر گر گئی جس کے ساتھ ہی پلیٹ فارم پر موجود بعض افراد کچھ ہی دور رہ جانے والی ٹرین کو رکنے کا اشارہ کرنے لگے تو کچھ صرف تماشا دیکھتے رہے۔ اس دوران ایک پولیس اہلکار بہادری کا مظاہرہ کرتے ہوئے پٹڑی پر کود گیا اور خاتون کو پٹڑی سے ا±ٹھا کر محفوظ مقام پر منتقل کردیا۔