آسٹریلین اوپن ٹینس ٹورنامنٹ: راجر فیڈرر‘ رافل نڈال‘ ڈومینکا‘ راڈوانسکا سیمی فائنل میں پہنچ گئے

میلبورن (سپورٹس ڈیسک) سوئٹزرلینڈ کے راجر فیڈرر نے برطانیہ کے اینڈی مرے کو سخت مقابلے کے بعد شکست دے کر سیمی فائنل کیلئے کوالیفائی کر لیا۔ ان کی کامیابی کا سکور چھ تین، چھ چار، چھ آٹھ، چھ تین رہا۔ سپین کے رافیل نڈال دیمتروف کو کوارٹرفائنل میں شکست دیدی۔ ان کی کامیابی کا سکور تین چھ، سات، تین، نو سات اور چھ دو رہا۔ ویمنز ڈبلز کے سیمی فائنل میں سارا ایرانی اور ونسکی کی جوڑی نے فائنل کیلئے کوالیفاء یکر لیا۔ میکارووا اور ویزنینا کی جوڑی بھی ویمنز ڈبل کے فائنل میں پہنچ گئی۔ دفاعی چیمپئن وکٹوریہ آزارینکا اپ سیٹ شکست کے بعد آسٹریلین اوپن ٹینس ٹورنامنٹ سے باہر ہو گئیں۔ سلواکیہ کی  ڈومنیکانے سیمی فائنل میں جگہ بنا لی۔سیزن کے پہلے گرینڈ سلیم کے کوارٹر فائنل میں بیلا روس کی وکٹوریہ ازارینکا اور پولینڈ کی آگنیسکا راڈوانسکا مد مقابل ہوئیں۔ پولینڈ کی راڈوانسکا نے دو بار کی چیمپئن آزارینکا کو سخت مقابلے کے بعد آؤٹ کلاس کیا۔ آگنیسکا راڈوانسکاکی فتح کا سکور چھ ایک، پانچ سات اور چھ صفر رہا۔ ایک اور مقابلے میں سلواکیہ کی کیوبلکووا ڈومنیکا نے رومانیہ کی ہلیپ سائمونا کو ہرا کر سیمی فائنل میں جگہ بنا لی۔ ثانیہ کیساتھ جوڑی بنانے کے خواہشمند اعصام الحق آج ثانیہ مرزا کے خلاف ہی ایکشن میں نظر آئیں گے۔اعصام الحق کا ساتھ جرمن کھلاڑی جولیا گورجیس جبکہ ثانیہ مرزا اوررومانیہ کیساتھ ہوریا ٹیکا مقابلے میں اتریں گی۔