سمبڑیال/ ڈسکہ/ صدر گوگیرہ/ رینالہ خورد (نمائندگان+ نامہ نگاران) مختلف شہروں سے 30 گدھے چوری کرلئے گئے، ملزم کھالیں اتار کر گوشت کھیتوں میں پھینک کر فرار ہوگئے۔ سمبڑیال کے علاقہ ڈھلم بلگن سے ایک ہی رات میں 8 گدھے اور صاحب کے سے 9 گدھے چرا کر نامعلوم عناصر انکی کھالیں اتار کرلے گئے ہیں جبکہ ارشد میﺅ کے ڈیرہ سے 2 بکرے بھی چُِرا لے گئے ہیں۔ ڈسکہ کے علاقہ بھروکے کلاں میں رات کو نامعلوم افرادلعل دین، اشفاق، خالد عرف مٹھو، مقصود احمد، اکرم بھٹی قصائی، زاہد عرف بھولا اور طارق کے ڈیروں سے سات گدھے چرا کر انکی کھالیں اتار کر ساتھ لے گئے اور گوشت کھیتوں میں پھینک گئے جبکہ لعل دین کے ڈیرہ سے دو بھیڑیںاور دو چھترے بھی چُرا کر ساتھ لے گئے۔ صدر گوگیرہ کے نواحی گاﺅں موضع اسلام پورہ میں نامعلوم ملزمان نے ماسٹر اقبال کی 2، فاروق کی ایک، محمد علی کی ایک اور حاجی مقبول کے ہاں سے 2 گدھیاں چوری کر کے گاﺅں کے باہر لے گئے اور وہاں سے انکی کھالیں اتار کر فرار ہو گئے۔
گدھے/ کھالیں