شاہین ایئرانٹرنیشنل کا ڈسکاؤنٹ آفر اعلان

کراچی(اسٹاف رپورٹر)اپنے مسافروں کوسہولتیں فراہم کرنے کے عزم کے ساتھ، شاہین ایئر انٹرنیشنل (SAI)نے زبردست ڈسکاؤنٹ آفر کا اعلان کر دیا ہے جس کے تحت، محدود مدت کے لیے، تمام اندرون ملک اور بیرون ملک پروازوں کے بیسک فیئرز پر 5فیصد ڈسکاونٹ دیا جائے گا۔ یہ ڈسکاؤنٹ ایئرپورٹس پر شاہین ایئرٹکٹنگ دفاتر اور شہر میں قائم مقررہ ٹکٹنگ دفاتر سے حاصل کیا جاسکتا ہے۔ یہ پیشکش شاہین ایئر کی تمام اندرون ملک اور بیرون ملک پروازوں پر دستیاب ہے۔ 22جنوری سے ہونے والی پروموشن محدود مدت کے لیے دستیاب رہے گی۔ اس پروموشن کے بارے میں شاہین ایئر انٹرنیشنل کے چیف مارکیٹنگ آفیسر، زوہیب حسن نے کہا، ’’ہمارے لیے انتہائی خوشی کی بات ہے کہ ہم اپنے قابل احترام مسافروں کو سہولت پہنچائیں۔ سنہ 2018ء ایئرلائن کے لیے سلور جوبلی کا سال ہے اورشاہین ایئر میں ہم اپنے مسافروں کو ملکی اوربین الاقوامی سطح پر بہترین تجربہ فراہم کرنا چاہتے ہیں۔ ‘‘