ملک عبدلرائوف کرکٹ ٹورنامنٹ کوارٹرفائنلز کا آغاز کل سے ہوگا

کرچی(اسپورٹس رپورٹر)ملک عبدالرئوف میموریل کر کٹ ٹورنامنٹ کے آخری را ئونڈمیچ میں پاک مغل سی سی نے رائزنگ اسٹار ز کو سخت اور سنسنی مقابلے کے بعد 2رنز سے شکست دی۔ ٹورنامنٹ کے کوارٹر فائنل کا آغاز آج ہوگا۔شمیم انور صدیقی نے کوارٹر فائنلز شیڈول کا اعلان کر دیا۔ پہلا کوارٹر فائنل ملیر جمخانہ اور ملیر کنٹونمنٹ جمخانہ کے درمیان 23جنوری کو پاک اسٹارگرائونڈ پر صبح دس بجے کھیلا جائیگا۔آخری رائونڈ میچ میںپاک اسٹار گرائونڈپر پاک مغل سی سی نے مقررہ اوورز میں 270رنز بنائے،نوید حمید نے سینچری 105اور مظہر الدین نے 85 رنز اسکورز بنائے،ثاقب بدر الحسن ، فرحان زاہد نے دو، دو کھلاڑیوں کو آؤٹ کیا۔ رائزنگ اسٹارز268رنز بناکر آؤٹ ہوگئی جبکہ نو گیندو کا کھیل ابھی باقی تھا۔ثاقب بدرالحسن 79،کامران خان47اور فرمان علی نے28رنز بنائے،نوید حمید نے چار،محمد نقی نے دو وکٹ حاصل کئے۔