جمال خشوگی کے مضامین کے پیچھے امریکی صحافی میگی میچل سالم کا اہم کردار ہے

ریاض(این این آئی)امریکی خاتون صحافی میگی میچل سالم گذشتہ کچھ عرصے سے متنازع شخصیت کے طور پر ذرائع ابلاغ کی سرخیوں کا موضوع بنی ہوئی ہیں۔ امریکی اخبار میں مقتول صحافی جمال خشوگی کے مضامین کے پیچھے بھی میگی میچل سالم کا اہم کردار بتایا جاتا ہے۔ کہا جاتا ہے کہ میگی سالم جمال خشوگی کے پرانے دوستوں میں شامل تھیں۔ وہ اخبار واشنگٹن پوسٹ میں شائع ہونے والے ان کے مضامین کی نوک پلک درست کیا کرتی تھیں۔عرب ٹی وی نے ایک تفصیلی رپورٹ میں میگی میچل کے اخوان المسلمون اور ایران کے حوالے سے کردار پر روشنی ڈالی ہے۔