ڈھکوک راجگان میں بیٹے نے بیوی کے ساتھ ملکر باپ کو بے دردی سے قتل کر دیا

راولپنڈی+ اڈیالہ (اپنے سٹاف رپورٹر سے+نامہ نگار)تھانہ صدر بیرونی کے علاقے ڈھوک راجگان اڈیالہ روڈ میں مبینہ طور پر بیٹے نے بیوی کے ساتھ مل کر اپنے والد کو قتل کردیا اور نعش ٹکڑے کرکے برساتی نالے میں پھینک دی تھانے میں باپ کے قتل کا مقدمہ درج کرانے کی درخواست دی تو ابتدائی تفتیش میں ہی پولیس نے مدعی بیٹے کو بطور ملزم دھر لیا ڈی ایس پی فرحان اسلم نے بتایا کہ ناصر نے درخواست دی تھی کہ اس کے والد اللہ دتہ کو جو ریٹائرڈ سرکاری ملازم تھا اپنی پنشن لینے آیا جسے نامعلوم افراد نے قتل کردیا ہے پولیس نے تفتیش کی تو بیٹا ہی ملزم نکلا جس نے مبینہ طور پر اپنی بیوی کے ساتھ مل کر جائیداد ہتھیانے کے لالچ میں اپنے باپ کو پہلے زہریلی چیز کھلائی اور اور اسے بعد میں قتل کرکے نعش نالے میں بہا دی پولیس نے ریسکیو1122 کے ہمراہ نعش کی تلاش کیلئے کوشش کی لیکن بارش کے باعث پانی کے تیز بہائو کی وجہ سے تلاش کا آپریشن آج تک موخر کردیا گیا ۔