جوہانسبرگ (اے پی پی) انگلینڈ کرکٹ ٹیم کے مایہ ناز اوپننگ بلے باز ڈوم سیبلی نے کہا ہے کہ انکی ٹیم پروٹیز کو چوتھے اور آخری ٹیسٹ میچ میں بھی شکست دیکر سیریز میں 3-1 سے اپنے نام کریگی ۔ انہوں نے کہا کہ سیریز میں مسلسل دوسری فتح کے بعد ٹیم کے اعتماد میں اضافہ ہوا ہے۔ انہوں نے کہا کہ وہ جنوبی افریکن ٹیم کے خلاف چوتھے ٹیسٹ میچ میں بھی عمدہ کارکردگی کی بدولت ٹیم کی فتح میں اہم کردار ادا کریں گے۔ انہوں نے کہا کہ وہ مکمل طور پر فٹ اور بھرپور فارم میں ہیں اور پروٹیز کے خلاف ٹیسٹ سیریز میں اپنی کارکردگی سے مطمئن ہیں۔ انگلینڈ نے تیسرے ٹیسٹ میچ میں شاندار کارکردگی کا مظاہرہ کرتے کیا۔پروٹیز ٹیم کو ایک اننگز اور 53 رنز سے شکست دیکر چار میچوں کی سیریز 2-1 کی برتری قائم کر رکھی ہے ۔ اپنے ایک بیان میں ڈوم سیبلی نے کہا کہ انکی ٹیم میزبان ٹیم کو چوتھے میچ میں بھی شکست دیکر سیریز 3-1 سے اپنے نام کریگی، جس کے لئے ہم نے حکمت عملی تیار کر رکھی ہے۔ انہوں نے کہا کہ چوتھے ٹیسٹ میں کامیابی کے لئے مربوط حکمت عملی کے تحت میدان میں اتریں گے۔ ایک سوال کے جواب میں سیبلی نے کہا کہ مسلسل دو میچز جیتنے کے بعد پروٹیز کو سیریز کے چوتھے میچ میں آسان نہیں لیں گے بلکہ ان کے خلاف پوری قوت کے ساتھ میدان میں اتریں گے۔ واضح رہے کہ دونوں ٹیموں کے درمیان سیریز کا چوتھا اور آخری ٹیسٹ میچ (کل) جمعہ سے جوہانسبرگ میں شیڈول ہے۔