منصوبہ بندی وترقی کے وزیراسدعمرنے کہاہے کہ کراچی سرکلرریلوے منصوبہ کراچی کے شہریوں کے لئے محفوظ ،باکفایت اورقابل اعتبارسرکاری ٹرانسپورٹ فراہم کرے گا۔
منصوبے پر غور کے لئے اسلام آباد میں ایک اجلاس کی صدارت کرتے ہوئے انہوں نے کہاکہ حکومت چین کے ساتھ مشاورت سے منصوبے پرفوری عملدرآمدکے لئے مکمل طورپر پُرعزم ہے۔اس موقع پر وفاقی وزیرنے چین کے ساتھ کراچی سرکلرریلوے منصوبے کے کام پرعملدرآمد کے طریقہ کارکوفوری طورپرحتمی شکل دینے کی بھی ہدایت کی۔