لاہور: پاکستان کے دورے پر آئے بھارتی گلوکار و اداکار گپی گریوال نے پشاور زلمی کے چیرمین جاوید آفریدی سے ملاقات کی۔ جاوید آفریدی نے پشاور زلمی کی کٹ اور ٹیم زلمی کا آٹوگراف بیٹ گپی گریوال کو پیش کیا۔
پاکستان کے نجی دورے پر آئے معروف بھارتی گلوکار و اداکارگپی گریوال نے لاہور میں پشاور زلمی کے چیرمین جاوید آفریدی سے ملاقات کی۔اپنے پیغام میں جاوید آفریدی نے کہا کہ بھارتی گلوکار و اداکار گپی گریوال کے ساتھ اچھی ملاقات رہی۔ انہیں پاکستان میں خوش آمدید کہتے ہیں۔ گپی گریوال پاکستان میں مہمان نوازی پر خوش ہیں، کھلاڑی اور فنکار ممالک کو قریب لاتے ہیں۔امید ہے مزید بھارتی اداکار پاکستان اور پاکستانی فنکار مسقبل میں بھارت کا دورہ کریں گے۔
جاوید آفریدی نے زلمی جیکٹ اور ٹیم زلمی کا آٹوگراف کرکٹ بیٹ گپی گریوال کو پیش کیا جو انہیں بہت پسند آیا۔انہوں نے پی ایس ایل فائیو کے لیے پشاور زلمی کو گڈلک کا پیغام بھی دیا۔
