لاہور (سپورٹس رپورٹر) ٹیسٹ کرکٹر عمران فرحت نے تمام طرز کی کرکٹ سے ریٹائرمنٹ کا اعلان کر دیا۔ عمران فرحت پاکستان کپ ون ڈے ٹورنامنٹ کے آخری میچ کے بعد کرکٹ سے ریٹائرڈ ہو جائیں گے۔ عمران فرحت 26 جنوری کو خیبر پی کے  کے خلاف آخری میچ کھیلیں گے۔ عمران فرحت نے 40 ٹیسٹ میچوں میں 2400 رنز سکور کئے۔ اوپنر نے 58 ایک روزہ میچوں میں 1719 رنز بنائے۔ سات ٹی ٹونٹی انٹرنیشنل میچز میں عمران فرحت نے 76 رنز بنا رکھے ہیں۔ عمران فرحت نے 230 فرسٹ کلاس میچوں میں 15ہزار سات سو نوے رنز بنائے۔ 220 لسٹ اے میچز میں بلے باز نے 7401 رنز سکور کیے۔ 69 ڈومیسٹک ٹی ٹونٹی میں 1636 رنز بنائے۔