اسلام آباد(خبر نگار)پاکستان زرعی تحقیقاتی کونسل انتظامیہ نے گریڈ 20 کی چیف سائنٹفک آفیسر اور ڈائریکٹر ورٹیبریٹ پیسٹ کنٹرول انسٹیٹیوٹ (سی پی سی آئی)ڈاکٹر سیدہ عذرا طارق کو ڈائریکٹر جنرل سدرن زون ایگریکلچر ریسرچ سینٹر،کراچی تعینات کر دیا گریڈ 19 کے پی ایس او یونس آرائیں کو ڈی جی کے عہدے سے ہٹا کرڈاکٹر سیدہ عذرا طارق کو ڈائریکٹر جنرل لگایا گیا۔واضع رہے کہ سینئر آفسر موجود ہونے کے باوجود سینیٹ کی قائمہ کمیٹی برائے فوڈ سیکورٹی اینڈ ریسرچ نے جونیئر آفسر کو ڈائریکٹر جنرل سدرن زون ایگریکلچر ریسرچ سینٹر لگانے پر سخت برہمی کا اظہار کیا تھا۔دوسری جانب پی اے آر سی انتظامیہ نے ڈپارٹمنٹل پرموشن کمیٹی کی سفارشارت پر 2 افسران کو اگلے گریڈ میں ترقی دے دی۔ ایس پی ایس 9 کے پرائیویٹ سیکرٹری خالد جاوید بٹ اور غلام مرتضی کو ایس پی ایس 10 میں سینئر پرائیویٹ سیکرٹری بنا دیا گیا۔