برکینا فاسو‘ 4 بچوں سمیت 60  مغوی خواتین بازیاب 

اواگاڈوگو (اے پی پی) برکینا فاسو میں اغوا ہونے والی60 سے زیادہ خواتین اور بچوں کو فوج نے بازیاب کروا لیا ہے۔ چینی خبررساں ادارے نے بتایا کہ برکینا فاسو کی فوج نے ایک آپریشن کے دوران 4بچوں سمیت66 خواتین کو بازیاب کروا لیا ہے۔ انہوں نے بتایا کہ مغویوں کو 12جنوری کو اربندا قصبے کے قریب سے نامعلوم مسلح افراد نے اغوا کیا تھا۔ انہوں نے مزید بتایا کہ متاثرین کو اس وقت پکڑا گیا جب وہ خوراک کی تلاش کر رہے تھے۔ واضح رہے کہ برکینا فاسو2015 ء سے عدم تحفظ کا شکار ہے۔ جس میں بہت سے لوگ ہلاک اور ہزاروں بے گھر ہو چکے ہیں۔