معروف تاجر‘ آواری ہوٹل کے مالک بہرام ڈی آواری انتقال کر گئے  آخری رسومات آج ادا کی جائیں گی

کراچی (نوائے وقت رپورٹ) آواری ہوٹل کے مالک‘ معروف کاروباری شخصیت بہرام ڈی آواری انتقال کر گئے۔ اہلخانہ کے مطابق بہرام ڈی آواری کی عمر 81 برس تھی۔ بہرام ڈی آواری دو مرتبہ کے ایشن گیمز گولڈ میڈلسٹ بھی تھے۔ دو مرتبہ کشتی رانی بیلنگ مقابلوں میں ایشن گیمز گولڈ میڈل جیتا۔ بہرام ڈی آواری کی آخری رسومات آج دو پہر ایک بجے ادا کی جائیں گی۔ وہ کراچی کے معروف بزنس مین تھے۔ انہوں نے 1998ء میں میئر صادق کے ساتھ گولڈ میڈل جیتا اور 1982ء میں ایشن گیمز میں اہلیہ گوشی آواری کے ساتھ گولڈ میڈل جیتا تھا، وہ کافی عرصہ سے شدید علیل تھے۔ پارسی عالم یازنیش پارزن کے مطابق بیرام آواری کی آخری رسومات بیچ لگژری ہوٹل سے متصل ان کی رہائش گاہ میں ادا کی جائیں گی جس کے بعد ان کا جسد خاکی محمود آباد میں واقع ٹاور آف سائلنس (مینار خاموشی) لے جایا جائے گا۔