ٗٗٗٗٗٗٗٗٗپی ٹی آئی ملک کو اندھیروں میں دھکیلنے کی کوشش کر رہی ہے، ارشد ورک 

فیروزوالہ(نامہ نگار) مسلم لیگ (ن) پی پی 136کے رہنما چوہدری ارشد ورک نے کہا کہ عمران خان کو آئندہ عام انتخابات میں   بیساکھیوں کے سہارے کے بغیر میدان میں اترنا ہوگا ۔تحریک انصاف ملک کو اندھیروں میں دھکیلنے کی کوشش کررہی ہے ان کا مقصد ملک وقوم کوانتشار کی دلدل میں دکھیلنے کے سواکچھ نہیں۔سنجیدہ عوام اس جارحانہ اورانتہاپسندانہ طرز سیاست کے حامی نہیں۔ وفاقی حکومت کی خدمات، اصلاحات اورترجیحات پر عوام کا اعتماداوراطمینان سرمایہ افتخارہے۔ عوام کی توقعات پرپورا نہ اترنے کے باعث تبدیلی سرکار کی مانند دھڑام سے زمین بوس ہوئی پی ٹی آئی کی وفاقی حکومت کے خلاف سازشیں بے نقاب ہوچکی ہیں ۔عمران خان حکومت کی ٹانگیں کھینچ کر ملکی ترقی کا راستہ روکنا چاہتے ہیں۔