گوجرانوالہ( نمائندہ خصوصی)کمشنر غلام فرید نے سیالکوٹ کا دورہ کیا اور ترقیاتی کاموں کا جائزہ لیا،انہوں نے اگوکی میں ضلع کونسل کی 8یونین کونسلوں میں صفائی کا نظام سالڈو یسٹ مینجمنٹ کمپنی کے سپرد کرنے کی تقریب میں بطور مہمان خصوصی شرکت کی، کشمیرروڈ اور اقبال لائبریری میں ترقیاتی کام کا معائنہ کیا، ڈپٹی کمشنر عبداللہ خرم نیازی، اے ڈی سی جی/ڈی جی سالڈ ویسٹ مینجمنٹ کمپنی شاہد عباس، سی او میٹرو پولیٹن کارپوریشن فیصل شہزاد بھی ہمراہ تھے۔ کمشنر نے کہا کہ ضلع سیالکوٹ میں آج سے ضلع کونسل کی 8اربن یونین کونسلوں اگوکی، ہرڑ، عدالت گڑھا، اشٹاپ گڑھا، برتھ، بوتھ، بونکن اور گوہدپور میں صفائی کا نظام سالڈ ویسٹ کمپنی کے سپرد کرنے کا مقصد دیہی علاقوں میں شہری علاقوں کے برابر صفائی کی سہولیات فراہم کرنا ہے ۔ کشمیر روڈ کے دورہ کے موقع پر کمشنر گوجرانوالہ نے ہدایت کی کہ ضلعی انتظامیہ اور پیسپ افسر پراجیکٹ کی تیزی سے تکمیل پر فوکس کریں، کوالٹی کویقینی بنائی جائے ۔ قبل ازیں ڈپٹی کمشنر عبداللہ خرم نیازی نے پراجیکٹس کے حوالے سے بریفنگ دی۔