سکھر(بیورو رپورٹ) المہران کلچرل ہال میں صفائی کے ناقص انتظامات ، صفائی عملے نے ہال کی چھت پر قائم کمرے کو کچہرہ کنڈی بنا ڈالا، شہری و سماجی حلقوں میں تشویش کی لہر ، تفصیلات کے مطابق سکھر میونسپل کارپوریشن کے المہران کلچرل ہال کے انچارج و عملے کی مسلسل لاپرواہی کے باعث ہال سمیت مختلف کمروں و ہال میں صفائی کے ناقص انتظامات دیکھائی دے رہے ہیں ، صفائی عملے نے ہال کی صفائی کے دوران کچہرہ ہال کی چھت پر قائم اسٹور روم میں ڈالنا شروع کر دیا ہے جس کے باعث ہال کے اطراف میں قائم کمروں میں جانے والوں کو شدید مشکلات پیش آرہی ہے تو تعفن اٹھنے کی وجہ سے مختلف بیماریاں بھی پھیلنے کا خدشہ ہے ، المہران کلچرل ہال میں صفائی کے ناقص انتظامات و کمروں کو کچہرہ کنڈی بنانے والے عمل پر شہری و سماجی حلقوں میں تشویش کی لہر دوڑ رہی ہے اور انہوں نے کمشنر سکھر ، ڈپٹی کمشنر سکھر ، میونسپل کمشنر سمیت دیگر متعلقہ اداروں کے افسران کونوٹس لیکر خطیر رقم سے تعمیر المہران کلچرل ہال میں صفائی کے انتظامات یقینی بنانے کا مطالبہ کیا ہے ۔