میرپور ماتھیلو (بیورو رپورٹ) راونتی کے کچے میں ڈاکوؤں کے خلاف ٹارگیٹڈ آپریشن جاری ، پولیس نے پانچ مغویوں کو بازیاب کرالیا ۔ تفصیلات کے مطابق راونتی کے کچے کے علاقے میں ڈاکوؤں کے خلاف ایس ایس پی گھوٹکی تنویر حسین تنیو کے احکامات پر ٹارگیٹڈ آپریشن جاری ہے جس میں پولیس کی جانب سے جدید ٹیکنالوجی اور جدید اسلحہ استعمال کیا جارہا ہے ،ایس ایچ او راونتی عبد الشکور لاکھو کی قیادت میں پولیس کی بھاری نفری نے کامیاب کارروائی کرکے پانچ مغویوں خلیل پٹھان حیدرآباد،مولوی عظمت اللہ پٹھان ضلع پشین ،حسین پٹھان ضلع پشین ،محمد بخش لاشاری تنگوانی ضلع کشمور، سعید احمد کھمبڑا ضلع راجن پورکو بحفاظت بغیر کسی نقصان کے بازیاب کرالیا ہے ،رونتی کے کچے میں ڈاکوؤں کے کئی ٹھکانوں کو مسمار اور نذر آتش کیا گیا ہے،ایس ایس پی گھوٹکی تنویر حسین تنیو کے مطابق  ڈاکوؤں،اغوا کاروں کی گرفتاری  تک آپریشن جاری رہے گا اور کچے کے علاقے سے جرائم پیشہ افراد کا مکمل صفایا کیا جائے گا۔