اسلام آباد(اپنے سٹاف رپورٹر سے)وفاقی ٹریفک پولیس نے غیرر جسٹرڈ، فینسی اور غیر نمونہ نمبر پلیٹ والی گاڑیوں اور موٹر سائیکلوں کیخلاف اسلام آباد بھر میں مختلف مقامات پر ناکے لگا کرسپیشل انفورسمنٹ سکواڈ تعینات کردئے تمام زونل ڈی ایس پیز کو غیر رجسٹرڈ ، فینسی اور غیرنمونہ نمبر پلیٹس والی گاڑیوں اور موٹر سائیکلوںکے خلاف کاروائی کو مزید مؤثر بنانے کیلئے خصوصی ہدایات بھی جاری کی گئیں ،کریک ڈائون کے دوران روان ہفتے اسلام آبادکیپیٹل پولیس نے894 غیر رجسٹرڈ اور 1971 فینسی و غیر نمونہ نمبر پلیٹس والی گاڑیوں اور موٹر سائیکل سواروں کو چالان ٹکٹ جاری کئے اور ایک ہزار سے زائد گاڑیوں و موٹر سائیکلوںکو مختلف تھانہ جات میں بند کیا اس کے ساتھ سینکڑوں گاڑیوں اور موٹر سائیکلوںسے فینسی و غیر نمونہ نمبر پلیٹس کو اتارا گیا ہے۔